http://www.hktutorcity.com-上門補習

理大噚日舉行建校 75周年慶祝活動啟動禮，最受注目唔係首次以大學教資會主席身份演講嘅鄭維新，亦唔係校長唐偉章教授，而係兩位老人家── 1939年理工首屆畢業生伍永康博士，同埋理大校董會成員唐驥千。
95歲嘅伍永康精神好好，佢話當年理工只有三個學系，建築、機械同無線電，全部係文憑課程，「半日上堂半日出去實習，唔同家，家學生讀理論多啲」。佢係活躍校友，多年來有乜活動都出席，唐偉章不時同佢傾偈，又多謝呢位長輩支持。
至於唐驥千，佢係唐英年嘅遠房叔伯，唐驥千父親唐炳源同唐英年祖父唐君遠係堂兄弟。唐炳源為前理工學院籌劃委員會主席。唐驥千被記者多次追問支唔支持唐英年參選特首，佢冇表態，只係用英文話大家係親戚。