補習-
隔牆有耳：教協超市重開憤怒鳥File最搶手

http://www.hktutorcity.com-上門補習

http://www.hktutorcity.com-補習介紹

補習

旺角教協會所裝修接近完工，最受歡迎嘅超市率先強勢回歸。副會長張文光話呀，噚日朝早9點已經有人喺樓下排隊等掃貨；有教師話翻新後嘅會所比以前光猛，睇落大咗好多。
八方噚日傍晚上去兜一圈，見現場客似雲來，會員累積咗一個月嘅購買力相當唔簡單。售賣原子筆、擦膠、文具套裝嘅地方最多人，職員話呢三款貨係教協top3。知唔知邊款公仔file最受歡迎？原來唔係迪迪尼，而係Angry Birds，好賣到一星期返三次貨。
用咗幾百萬裝修嘅教協，多咗內窺鏡同X光中心。而最大改變嘅係書局，足足大咗倍半，但想去新書局打書釘嘅市民要等多陣，因為現場仍係空地一塊，張文光話起碼等多一個月，書局先至開幕。